Fréttir
Síminn hefur verið í sókn á sjónvarpsmarkaði að undanförnu. Tekjur af sjónvarpi jukust um 17% milli áranna 2018 og 2019. Það skýrist að stórum hluta af því að fyrirtækið tryggði sér rétt af enska boltanum á síðasta ári. „Þó er annað sjónvarp en fótbolti sem viðskiptavinir okkar verja mestum tíma í að horfa á. Vinsælast er íslenskt efni, barnaefni og erlent raunveruleikasjónvarp um ungt fólk í leit að ástinni,“ segir í uppgjörinu.
Lesa frétt
Tekjur Símans á fjórða ársfjórðungi 2019 námu 7.896 milljónum króna samanborið við 7.544 miljónir á sama tímabili 2018 og hækka um 4,7% á milli tímabila.
Lesa frétt
OMXI10 úrvalsvísitala Kauphallar Nasdaq á Íslandi hækkaði um 0,36% í viðskiptum dagsins í Kauphöll Nasdaq á Íslandi og stendur nú í 2.147,68 stigum. Heildarvelta viðskipta dagsins nam 2,1 milljörðum króna.
Lesa fréttSláturfélag Suðurlands hagnaðist um 78 milljónir króna á síðasta ári og dróst hagnaðurinn talsvert saman frá fyrra ári þegar hann nam 179 milljónum. Rekstrartekjur námu rúmlega 12 milljörðum króna en árið áður námu tekjurnar rúmlega 11,5 milljörðum. Þetta kemur fram í fréttatilkynningu félagsins til Kauphallar Nasdaq á Íslandi.
Lesa fréttSíminn hagnaðist um 760 milljónir króna á fjórða fjórðungi síðasta árs, eftir því sem fram kemur í uppgjöri félagsins sem birt var eftir lokun markaða síðdegis í dag. Hagnaður fjarskiptafélagsins fyrir afskriftir, fjármagnsliði og skatta var ríflega 2,7 milljarðar króna á fjórðungnum og jókst um nærri þrjátíu prósent frá sama tímabili árið áður.
Tekjur Símans námu 7.896 milljónum króna á fjórða ársfjórðungi 2019 borið saman við 7.544 milljónir króna á sama tíma árið áður. Nam tekjuvöxturinn þannig 4,7 prósentum.
Hagnaður félagsins var 760 milljónir króna, eins og áður sagði, en til samanburðar tapaði það 2.436 milljónum króna á fjórða fjórðungi ársins 2018. Tapið skýrist af því að viðskiptavild upp á 2.990 milljónir króna var afskrifuð en án afskriftarinnar hefði hagnaður tímabilsins verið 554 milljónir króna.
Orri Hauksson, forstjóri Símans, segir í tilkynningu að rekstur Símasamstæðunnar hafi verið traustur í fyrra og eflst eftir því sem liðið hafi á árið.
„Sala á helstu þjónustuþáttum okkar var vel ásættanleg og munar miklu að Síminn höfðar á ný til yngri kynslóða. Því til viðbótar jókst eftirspurn eftir upplýsingatæknivörum Sensa á síðasta fjórðungnum. Slíkan vöxt má þó ekki framreikna til næstu ársfjórðunga, þar sem sala, innleiðing og ráðgjöf í upplýsingatækni getur verið sveiflukennd,“ nefnir Orri.
Í heild komi samstæðan sterk til leiks árið 2020. Þrátt fyrir kólnandi efnahag landsins spái stjórnendur bættri EBITDA-framlegð milli ára og sterkara fjárflæði.
Spáin fyrir yfirstandandi ár gerir ráð fyrir að EBITDA Símans – afkoma fyrir afskriftir, fjármagnsliði og skatta – verði á bilinu 10,5 til 10,9 milljarðar króna en til samanburðar var hún ríflega 10,5 milljarðar króna í fyrra. Auk þess er áætlað að fjárfestingar í ár verði á bilinu 5,7 til 6,0 milljarðar króna.
Lesa frétt
SIMINN og SFS B birtu 2019 uppgjör í dag og eru gögn úr þeim komin í kerfi Kóða.
KODIAK Excel (frír prufuaðgangur)
KODIAK Pro (frír prufuaðgangur)
Nú hafa 13 félög úr fjárhagsdagatali Kóða birt sín uppgjör en næst er ICESEA 25. febrúar.
Lesa fréttSíminn hagnaðist um tæplega 3,1 milljarða á árinu 2019 og jókst hagnaður félagsins um tæplega 2,8 milljarða króna á milli ára. Hafa verður þó huga að á fjórða ársfjórðungi2018 gjaldfærði Síminn tæplega 3 milljarða króna vegna niðurfærslu á viðskiptavild dótturfélagsins Mílu.
Lesa fréttLeslie Wexner,forstjóri L Brands og stjórnarformaður Victoria's Secret, mun á sama tíma láta af störfum. Hann kveðst fullviss um að með því að gera nærfataframleiðandann að einkafyrirtæki muni reksturinn blómstra á ný.
Lesa fréttSegir Jón að mótatkvæði Gylfa hafi verið nokkuð óvænt þar sem hann hafi til skamms tíma fremur hallast á sveif lægri vaxta heldur en aðrir meðlimir nefndarinnar og segir að vaxtadúfa nefndarinnar hafi brugðið sér í hauksham. Þó er bent á að Gylfi hafi undanfarið viðrað svipaðar skoðanir og birtast í rökum nefndarmanna fyrir óbreyttum vöxtum í fundargerð vaxtaákvörðunarfundarins frá því fyrr í mánuðinum.
Lesa fréttNorðurál hefur kynnt á markað nýja vörulínu undir merkinu Natur-Al. Álið er umhverfisvænt, rekjanlegt frá upphafi til enda framleiðsluferlisins, og vottað af óháðum aðilum.
Þetta kemur fram í fréttatilkynningu frá Norðuráli en þar segir að Natur-Al hafi eitt lægsta kolefnisspor sem völ er á í heiminum. Hrein orka, stöðugleiki í rekstri og strangar reglur um umhverfismál gerir fyrirtækinu kleift að framleiða ál með mjög lágt kolefnisspor.
Ál undir merkjum Natur-Al hefur kolefnisspor sem er innan við 4 tonn af koltvíoxíði fyrir hvert tonn af framleiddu áli, frá öflun báxíts og vinnslu áloxíðs til álvinnslu og flutnings alla leið til kaupanda. Heildarlosun kolefnisígilda við framleiðslu Natur-Al er innan við fjórðungur af meðaltali álframleiðslu í heiminum.
Þá gerir Norðurál viðskiptavinum sínum kleift að ganga skrefinu lengra með Natur-Al™ ZERO – hreinu áli sem er kolefnisjafnað að fullu með framlagi til verkefna á borð við endurheimt votlendis og skógrækt.
„Eftirspurn eftir umhverfisvænum vörum er í verulegri sókn, eins og allir vita. Við erum að svara þörfum okkar viðskiptavina fyrir hráefni sem er raunverulega eins umhverfisvænt og mögulegt er. Álið okkar á ekki bara að gera vörur fallegri og léttari, heldur viljum við að neytendur viti að þær eru gerðar úr umhverfisvænasta áli sem völ er á í heiminum,“ segir Gunnar Guðlaugsson, forstjóri Norðuráls, í fréttatilkynningunni.
Norðurál á Grundartanga hlaut nýverið hina alþjóðlegu ASI vottun um umhverfisvæna og ábyrga framleiðslu, fyrst þeirra álfyrirtækja sem starfa á Íslandi.
Lesa fréttÍ tilefni af veganúar í byrjun árs setti Prikið saman nýjan veganmatseðil undir yfirskriftinni B12. Veganmatseðillinn byrjaði sem tilraun en viðtökurnar voru það góðar að forsvarsmenn Priksins ákváðu að halda áfram að bjóða upp á veganmat á Prikinu.
Spurðir úr í hvernig það kom til að þeir ákváðu að veganvæða matseðil Priksins segir Geoffrey Huntingdon Williams, framkvæmdastjóri Priksins, að grænkerinn Örn Tönsberg hafi átt hugmyndina.
„Þetta var hugmynd og hugtak sem Örn Tönsberg hafði burðast með í smátíma. Það var kominn tími á að endurnýja hugmynd okkar um eldhúsið,“ segir Geoffrey.
Örn og Atli Snær, matreiðslumaður og yfirmaður eldhúss Priksins, settu saman matseðilinn B12. Geoffrey lýsir seðlinum sem „stuttum og sveittum“ matseðli sem steinliggi. Hann segir þá að kostir þess að reka eldhús án dýraafurða vera of marga til að telja upp.
Fjölgar í kúnnahópnum
Aðspurður hvort það hafi verið áhætta að skipta matseðli Priksins út fyrir nýjan veganmatseðil svarar Geoffrey: „Að taka algera u-beygu með matseðil og taka allar dýraafurðir út er alveg eitthvað sem fólk myndi telja „risky“. En við höfðum trú á breytingunni og veganúar var fullkominn tími til að prufa sig áfram og sjá hvernig í landi liggur. Starfsfólk okkar tók gríðarlega vel í þetta auk fastakúnna svo við létum slag standa og létum reyna á þetta.“
„Fastakúnnar okkar hafa tekið þessu ótrúlega vel…“
Geoffrey segir viðtökurnar almennt hafa verið mjög góðar, betri en þeir áttu von á. „Fastakúnnar okkar hafa tekið þessu ótrúlega vel og við höfum séð gríðarlega fjölgun í kúnnahópnum. Vegansamfélagið á Íslandi hefur tekið okkur með opnum örmum og hefur látið orðið berast.“
Sendu háværum gagnrýnendum gjafabréf
Þeir sem eru á móti veganlífsstílnum hafa þá látið í sér heyra, eins og þeirra var von og vísa, eftir að Prikið veganvæddi matseðilinn sinn. Spurðir út í háværar gagnrýnisraddir á Netinu segjast þeir hafa búið sig undir gagnrýni. „En öll góða umfjöllunin hefur svo sannarlega vegið þungt á móti nokkrum gagnrýnisröddum. Við viljum brjóta niður veggi í stað þess að byggja þá. Við höfum sérvalið nokkra einstaklinga sem hafa verið háværastir í gagnrýninni og það er gjafabréf á B12 á leiðinni til þeirra í pósti,“ segir Geoffrey sem hvetur alla til að gefa nýja matseðlunum séns.
Möguleikar í veganfæði eru endalausir en algengur misskilningur er að fólk heldur að það sé samasemmerki á milli þess að vera vegan og að vera á megrunarfæði. En á matseðli Priksins má finna djúsí vefjur með sósu, hamborgara og djúpsteiktar franskar svo dæmi séu tekin.
„Já, það er margt fólk sem enn tengir saman veganmat við einhverja megrunarkúra eða hollustufæðu. En þótt veganmataræði sé almennt hollari kostur þá er alveg hægt að borða óhollan veganmat og troða í sig kexi, kökum, frönskum og sósu sem dæmi. Við pössum upp á að hafa gott jafnvægi á þessu, þannig allir ættu að geta fundið eitthvað við sitt hæfi á B12.“
Myndir / Hallur Karlsson
Þessi grein birtist fyrst á Mannlíf.is
Lýsir nýja matseðlinum sem „stuttum og sveittum“
Hampiðjan gekk í dag frá kaupum á 80% hlut í skosku félögunum Jackson Trawl Limited og Jackson Offshore Supply Limited í Peterhead í Skotlandi. Kaupverðið er 9,7 milljónir evra, um 1,3 milljarðar króna. Arion banki lánar 6,4 milljónir evra, um 820 milljónir en afgangurinn er greiddur með handbæru fé frá Hampiðjunni.
Lesa fréttSvissneski fjárfestingarbankinn UBS hefur ráðið Hollendingin Ralph Hamers sem bankastjóra en hann mun taka við þann 1. Nóvember næstkomandi þegar Sergio Ermotti, núverandi bankastjóri mun láta af störfum.
Lesa fréttÁ aðalfundi Viðskiptaráðs 13. febrúar var Einar Sveinsson útnefndur heiðursfélagi Viðskiptaráðs Íslands
Lesa fréttFransk-hollenska flugfélagið Air France-KLM gerir ráð fyrir því að útbreiðsla kórónaveirunnar verði til þess að hagnaður félagsins dragist saman um 162 – 216 milljónir dollara á fyrsta ársfjórðungi 2020 samkvæmt tilkynningu frá félaginu fyrr frá því fyrr í dag en félagið hefur framlengt flugbann sitt til Kína til marsloka.
Lesa fréttSkyndibitakeðjan Burger King hefur sett nýja auglýsingaherferð af stað sem vakið hefur athygli. Í nýjum auglýsingum er grútmyglaður hamborgari í aðalhlutverki.
Í meðfylgjandi myndbandi frá Burger King má sjá Whopper-hamborgara, vinsælasta hamborgarann á matseðli keðjunnar, mygla á rúmum mánuði. Myndbandið á að sýna og sanna að Burger King ætlar að draga verulega úr notkun rotvarnarefna og annarra viðbættra efna fyrir árslok 2020.
Í lok myndbandsins er hamborgarinn orðinn grænn og loðinn og skilaboðin eru sú að alvöru matur eigi að mygla. „Fegurðin við alvöru mat er sú að hann verður ljótur,“ er skrifað undir myndbandið.
Breyttar neysluvenjur fólks eru ástæðan fyrir að Burger King ætlar að draga út notkun rotvarnarefna. Fjallað er um nýju auglýsinguna á vef CNN og þar er vísað í nýlega rannsókn sem leiddi í ljós að fólk sem er fætt á árunum 1980 til 2000 sé farið að versla sér lífrænan mat í auknum mæli. Niðurstöður rannsóknarinnar leiddu einnig í ljós að fólk sem er fætt á þessu tímabili er líklegt til að vera tilbúið að eyða meiri pening í hollari og umhverfisvænni matvæli.
Rotvarnarlausi Whopper-borgarinn er nú fáanlegur á um 400 Burger King-útibúum víðs vegar um Bandaríkin en fyrir árslok verður hann kominn á alla Burger King-staði.
the beauty of real food is that it gets ugly. that’s why we are rolling out a whopper free from artificial preservatives. coming by the end of 2020 to all restaurants in the U.S.
Posted by Burger King on Miðvikudagur, 19. febrúar 2020
Þessi grein birtist fyrst á Mannlíf.is
Nota grútmyglaðan hamborgara í nýja auglýsingaherferð
Hampiðjan hefur skrifað undir samkomulag um kaup á áttatíu prósenta hlut í skosku félögunum Jackson Trawl Limited og Jackson Offshore Supply Limited í Peterhead í Skotlandi. Kaupverðið nemur rúmum 9,7 milljónum dala, jafnvirði rúmra 1,3 milljarða króna. Þetta kemur fram í tilkynningu sem Hampiðjan sendi Kauphöllinni í hádeginu en skrifað var undir samkomulagið í morgun.
Jackson Trawl er leiðandi í sölu veiðarfæra á Bretlandseyjum og Jackson Offshore selur einkum kaðla, lyftistroffur og járnavöru til olíuiðnaðarins í Skotlandi., eftir því sem fram kemur í tilkynningunni.
„Seljendur eru bræðurnir Mark og Stephen Buchan og fjölskyldur þeirra en bræðurnir hafa stjórnað fyrirtækjunum undanfarna áratugi af mikilli vandvirkni og röggsemi eftir að faðir þeirra Arthur Buchan dró sig í hlé vegna aldurs. Faðir hans, John Buchan, stofnaði fyrirtækið 1962 og fyrirtækið verður því 58 ára á þessu ári. Þeir bræður munu stýra fyrirtækjunum eftir sem áður, “ segir í tilkynningu Hampiðjunnar.
Töluverð samlegðaráhrif eru af kaupunum fyrir Hampiðjuna sem koma munu fram á þessu ári og þeim næstu. Í tilkynningunni er tekið fram að viðskiptavinir beggja félaganna í Skotlandi muni njóta góðs af kaupum Hampiðjunnar því með þeim fái félögin aðgang að tækniþekkingu og vörum Hampiðjunnar í veiðarfærum og sérútbúnum vörum fyrir olíuiðnaðinn.
Öllum skilyrðum kaupsamnings vegna hlutanna hefur verið aflétt og er miðað við að félögin komi inn í samstæðuuppgjör Hampiðjunnar frá 1. janúar 2020.
Kaupverð hlutanna nemur rúmum 9,7 milljónum evra, eins og áður saðgi, og er fjármagnað með láni frá Arion banka upp á 6,4 milljónir evra ásamt handbæru fé Hampiðjunnar.
Engin langtímalán eru í félögunum um áramótin en skammtímaskuldir í félögunum nema 1,2 milljónum evra.
Heildareignir umræddra félaga nema samtals um átta milljónum evra og þar af er handbært fé að fjárhæð rúmar 4,3 milljónir evra.
Er áætluð velta félagsins í ár um 7,2 milljónir evra og þá er auk þess gert ráð fyrir að afkoma fyrir afskriftir, fjármagnsliði og skatta verði jákvæð um 1,6 milljónir evra.
„Með þessum kaupum styrkir Hampiðjan stöðu sína enn frekar við Norður-Atlantshaf sem er mikilvægasti markaður samstæðunnar. Innan landhelgi Stóra-Bretlands eru auðug fiskimið þar sem verðmætustu tegundirnar eru makríll, kolmunni og sandsíli en skip frá Evrópubandalaginu hafa veitt meirihluta aflans undanfarin ár. Það gæti breyst með samningum í kjölfar Brexit en Hampiðjan hefur hins vegar með þessum kaupum tryggt stöðu sína óháð því á hvorn veginn sem þeir samningar fara í framtíðinni,“ segir jafnframt í tilkynningunni.
Lesa fréttLandsvirkjun er í eigu þjóðarinnar. Arðsemi af fyrirtækinu var lítil sem engin fyrstu áratugina. Frá árinu 1965 til 2010 var arðsemin 5% fyrir skatt. Heldur hefur rofað til í rekstrinum og á síðasta áratug hefur félagið markvisst greitt niður skuldir og lagt áherslu á aukna arðsemi. Arðsemi eiginfjár er þó enn frekar lítil hlutfallslega en frá árinu 2014 hefur hún verið á bilinu 3,5 til 5,9%. Á sama tímabili hefur hagnaðurinn verið á bilinu 8 til 14 milljarðar króna.
Lesa fréttNýr Mercedes-Benz eCitaro strætisvagn sem gengur eingöngu fyrir rafmagni hefur verið hér á landi í prófunum og reynsluakstri. Bíllinn vakti mikla athygli hér á götum en hann var m.a. hjá Strætó, Hópbílum, Kynnisferðum og Isavia til reynslu í rekstri þessara fyrirtækja.
Lesa frétt